પ્રવાસ વર્ણન :- મહાલના પ્રકૃતિ સૌંદર્યની સફરે (અરવિંદભાઈ ગોંડલીયાના અનુભવી કલમે)
સરનામા વિનાનો વોટરફોલ
જ્યાં કુદરતે બે નહિ, હજાર હાથોએ સૌંદર્ય વેર્યું છે, એ જગ્યાનું નામ છે, ડાંગ. ચોમાસામાં આ દંડકારણ્ય પ્રદેશ લીલોછમ બની જાય છે. નદી, નાળા, ઝરણાં અને અનેક જગ્યાએ ધોધ ફૂટી પડે છે. જાણે કુદરત અહીંથી પોતાની હયાતીના હસ્તાક્ષર કરી રહ્યા હોય ! જો દક્ષીણ ગુજરાતમાં રહીને પણ ડાંગમાં રખડપટ્ટી નથી કરી તો શું જીવ્યા?
મિત્રો ડાંગ એટલે માત્ર સાપુતારા નહિ, અહીં એના સિવાય અનેક સૌંદર્ય સ્થાનો છે. એવું જ એક રમણિય અને મનને હરનારૂ સ્થળ એટલે મહાલ. સરકાર દ્વારા અહીં સુંદર ડેવલોપ કરીને ઇકો કેમ્પસાઈટ બનાવી છે. અહીં રાત્રી રોકાણની પણ વ્યવસ્થા છે. પૂર્ણાં નદીનો સુંદર પટ નિરખવાની મોજ જ મોજ આવશે. પરંતુ મહાલ પણ આટલું જ નથી. મહાલમાં માણવા લાયક ઘણું બધું છે. અમે પ્રવાસી પંછી પાંચ સિરીઝમાં આખું મહાલ એક્સપલોર કરીશું. ઉમ્મીદ છે આપને ગમશે. તો લેટ્સ સ્ટાર્ટ.
સુરતથી અમારી એક્ટિવા ઉપડી ગઈ છે. અદભુત મહાલની સફર પર. વ્યારા વટાવ્યા પછી મહાલ થી થોડા કિલોમીટર દૂર એક રળિયામણા નાનકડા ગામની સીમમાં નાનકડા સુંદર ધોધના રોડ પરથી જ દર્શન થઈ ગયા અને અમે ત્યાં જવા પર ખુદને રોકી ન શક્યા. બાઈકને સાઈડમાં પાર્ક કરીને પગને ઉપાડ્યા. તમે આંખ બંધ કરીને ખોલો ત્યાં સુધીમાં તો અમે ધોધની સમીપ પહોંચી ગયા. કહેવાય ને કે નાનું પણ નાગનું બચ્ચું. બસ એવો જ આ નાનકડો ધોધ છે. ચાર કે પાંચ ધારા રૂપે ઉપરથી નીચે આવે છે. તેની નીચે ઉભા રહીને ન્હાવાની મજા પણ લઈ શકો. ધોધનું પાણી નીચે વહી જતી નદીમાં ભળે છે. ગામના છોકરાઓ નદીમાં મસ્તીથી તરી રહ્યા હતા. અમે ધોધ નીચે જ ન્હાવાનો લાભ લીધો. દોસ્તો આ જગ્યાનું અમે સરનામું નથી આપી રહ્યા. અમારા માટે પણ આ અજાણ્યો જ ધોધ છે. કોઈને પૂછીએ તો ખબર પડે પણ અમે કોઈને જાણી જોઈને પૂછ્યું નહિ. ખબર હોય તો કોઈને કહીએ ને..! અમુક સુંદરતા અજાણી જ સારી. હા, વિડિઓ જોવો હોય તો આ રહી, લિંક. એન્જોય.
https://www.youtube.com/user/arvindgondaliya100
મહાલના રસ્તા પર આગળનો મુકામ ઓર મજેદાર છે●
-arvindgondaliya111@gmail.com
"रास्ते wala ધોધ"
મહાલ. ડાંગનું કુદરતી સૌંદર્યથી ભરપૂર આ સ્થળ તો સુંદરતાનું બેજોડ શિખર છે જ. પરંતુ ત્યાં સુધી પહોંચવાનો રસ્તો પણ એટલો જ રમણીય છે. પાર્ટ -1 માં સરનામા વિનાનો સુંદર ધોધ મળ્યો. જ્યાં અમે લગભગ 2 કલાક જેટલો સમય વિતાવ્યો હતો. તાજા માજા થઇને હવે મહાલના રસ્તે આગળ વધીએ..
આકાશ આમ તો સ્વચ્છ છે. પણ વાદળો ગમે ત્યારે આવીને વરસી પડે એવો માહોલ છે. ઠંડી ખુશ્બુદાર હવા ચાલી રહી છે અને બંને બાજુ ઘટાદાર વૃક્ષોથી ઘેરાયેલા રોડ પર અમારી બાઇક દોડી રહી છે, 40 કિલોમીટર પ્રતિકલાકની ગતિથી. હા, ગતિ મર્યાદા જરૂરી છે. અને મંજિલ કરતા ખરી મજા મુસાફરીમાં હોય છે. આ ગાંઠ બાંધીને ચાલશો તો સફર ઓર મજેદાર બની જશે. ઠંડી ઠંડી હવાની લહેરો વચ્ચે આ રસ્તા પર બાઇકિંગનો આંનદ અવર્ણનિય છે. વ્યારાથી અમે નીકળ્યા હતા. ટેમકા થઈને હવે આગળ વધી રહ્યા છીએ. બરડીપાડા ક્રોસ કરો એટલે રસ્તો વધુ શાનદાર લાગશે. હવે મંજિલ છ કિલોમીટર દૂર છે, પણ આ શું? મેઇન રોડ પર જ વધુ એક સુંદર નાનકડો ધોધ અમને કહી રહ્યો હતો કે મહાલ પછી જાઓ પહેલા મને મળો.. લો, હવે ધોધ જ જ્યારે વિનંતી કરે તો પછી ના થોડી પડાય ! એક્ટિવા આપોઆપ થોભી ગઈ. એને પણ જાણ હતી કે અહીં તો ઉભા જ રહેવું પડશે. આ રાસ્તે વાલા ધોધનું નામ દુલધા ધોધ છે. નજીકમાં આ નામથી જ ગામ છે. ગામના નામ પરથી જ ધોધનું નામ પડ્યું છે. અહીંથી પસાર થતા પ્રવાસીઓને ઉભા રહેવા માટે મજબૂર થવું પડે એવો સુંદર અને શાંત ધોધ છે.. ખાસ કરીને બાળકોને મજા પડશે. નીચે ઉભા રહીને ન્હાવાનો આનંદ પણ લઈ શકાય. પરંતુ ફોર્સ વધુ હોય તો ટાળવું. અને જાહેર માર્ગ પર ધોધ હોવાથી ટ્રાફિક ન સર્જાય એની તકેદારી રાખવી પણ આપણી નૈતિક ફરજ બની જાય છે. અને આ સુંદર નજારાનો વિડિઓ બતાવવો અમારી ફરજ છે.
https://youtu.be/9cLcD6hDNUA
અર્ધો કલાક દુલધાને નામ કરી મક્કાઈ ખાધી, ફોટા ખેંચ્યા અને પછી એક્ટિવા સ્ટાર્ટ કરી મંજિલ તરફ.... મજેદાર મંજિલ રાહ જોઈ રહી છે.. તો મળીએ નવા એપિસોડમાં મહાલની વાદીઓમાં...
સુંદર ઝરણાં સાથે મહાલમાં તમારૂ સ્વાગત છે
દુલધા વોટરફોલ પર અર્ધો કલાક વિતાવીને ફરી સફર મહાલ તરફ શરૂ કરી. હવે અહીંથી મહાલ માત્ર પાંચ કિલોમીટર દૂર છે... વરસાદને કારણે રસ્તા ભીના થઈ ગયા હતા. તો કોઈ કોઈ જગ્યાએ રોડ પર પણ પાણી પથરાયેલું હતું. જેના પરથી એક્ટિવા પસાર થતી ત્યારે એવું લાગતું હતું જાણે એક્ટિવા છબછબિયાં કરી રહી હોય ! આ રસ્તાની ડબલ મજા એટલા માટે છે કેમ કે એકતરફ લીલુંછમ જંગલ અને બીજીતરફ પૂર્ણાં નદીનો નયનરમ્ય પટ. બંને તમારી સાથે ચાલ્યા કરે. અમને લાગતું હતું કે હવે સીધા મહાલ કેમ્પસાઈટ જઈને જ બાઇક સ્ટોપ કરીશું. પણ સફરની ગતિ ન્યારી છે. મહાલના પ્રવેશ પહેલા જ વધુ એક નાનકડો ધોધ દેખાઈ ગયો. દુલધા ધોધ પહાડ થી રોડ પર પડતો હતો. આ ધોધ રોડ પરથી નદીના પટમાં ખાબકે છે. તો રોડ પર બાઇક પાર્ક કરીને અમે ઉતરી ગયા નદીના પટમાં. ચાર ધારામાં પડતો આ ધોધ ઝીલવાની મજા આવે એવો છે. હા, ધોધ નીચે જવામાં કાળજી રાખજો કેમ કે જગ્યા થોડી લપસણી છે. બાકી આવશે ભરપૂર મજા. આ મહાલ ગામમાં જ ધોધ છે તેથી ધોધને પણ મહાલ વોટરફોલ નામથી જ ઓળખવામાં આવે છે. આને તમે મહાલનું પ્રવેશદ્વાર પણ કહી શકો. પ્રવેશદ્વારનો વિડિઓ નિહાળવા અહીં ક્લિક કરો..
https://www.youtube.com/user/arvindgondaliya100
હવે વિચારો જેનું પ્રવેશદ્વાર આટલું સુંદર છે તો અંદરનો નજારો કેવો સુંદર હશે.. બેશક ખૂબ જ સુંદર છે. તો મળીયે નવા એપિસોડમાં મહાલ કેમ્પસાઈટમાં. અને હા, જંગલમાં ટ્રેકિંગ પણ કરીશું...
બીજા ભાગ માટે અહીં ક્લિક કરો.
https://www.facebook.com/104374244572476/posts/160655592277674/
[કેમ્પસાઈટ, પૂર્ણાં નદીનો પટ અને જંગલમાં ટ્રેકિંગ..]
મહાલમાં મહાલવાની વધુ મજા ચોમાસામાં જ છે. મહાલ સુધી પહોંચવામાં જ અમને રસ્તામાં જ ત્રણ ધોધના દર્શન થઈ ગયા. બાકી હરિયાળા રસ્તા તો સતત તમને પકડીને જ ચાલ્યા કરે. મહાલના વોટરફોલમાં ન્હાવાની મજા લઈને અમે ચાલ્યા કેમ્પસાઈટ તરફ...
પૂર્ણાં નદી પર મસ્ત મજાના પુલ પરથી પસાર થતાની સાથે જ જમણી સાઈડમાં કેમ્પસાઈટનો ગેટ છે. વ્યક્તિ દીઠ પ્રવેશ ફી 20 રૂપિયા છે. જો તમારી સાથે વાહન હોય તો એનો ચાર્જ અલગથી લાગશે.. તો ફટાફટ ટિકિટ લઈ લો અને ચાલો અંદર..ગેટથી કેમ્પસાઈટનું અંતર 3 કિલોમીટર જેટલું છે. એકવાર અમે ચાલતા અને એકવાર કારમાં ગયા હતા. આ વખતે બાઇક પર જઇ રહ્યા છીએ. ત્રણેય અનુભવ પછી હું કહી શકું પગપાળા જેવો આનંદ ક્યાંય નથી. પણ તમારે કેમ્પસાઈટમાં રોકાવાનું હોય અને સાથે વ્હીકલ હોય તો એ લઈને જ જજો. આ ત્રણ કિલોમીટરનો રસ્તો ખૂબ રળિયામણો છે. ચોમાસામાં વાહન ચલાવતી વખતે ખૂબ કાળજી રાખવી પડે. હોંશિયારી મારીને જંગલની અંદર પ્રવેશ કરવો નહીં. આ જંગલમાં દીપડા પણ રહે છે એ ધ્યાને રહે. લો, વાતો કરતા કરતા પહોંચી ગયા કેમ્પસાઈટ. અહીં રહેવા માતે દેશી કોટેજ અને ટ્રી હાઉસ પણ મળશે. પણ આ બધું બુકિંગ તમારે ઓનલાઈન મહાલ કેમ્પસાઈટની વેબસાઈટ પરથી કરાવવું પડશે. કારણ કે વરસાદી દિવસોમાં અહીં પણ હાઉસફુલના પાટિયા જુલતા હોય છે. અહીં રહેવાની એટલે મજા છે કેમ કે એક તો જંગલની વચ્ચે કેમ્પસાઈટ અને બાજુમાં જ પૂર્ણાં નદીનો સુંદર પ્રવાહ.. નદીના કિનારે બેસીને પણ ન્હાવાની મજા લઇ શકાય છે. પણ કિનારે જ. એક બાત તો કહેના ભૂલ હી ગયા, જ્યારે પ્રકૃતિની ગોદમાં જ આવ્યા છો તો અહીંના લોકલ ફૂડનો પણ ટેસ્ટ કરજો. વાંસનું શાક અને નાગલીના રોટલાની અમે તો બે દિવસ મિજબાની માણી.. મરાઠીમાં કહું તો,અપ્રતિમ.
નદીની સામે કરંજવા ટ્રેઇલ છે. ત્યાંથી એક દોઢ કિલોમીટર ટ્રેકિંગ કરીને કરંજવા વોટરફોલ જવાય છે. એ માટે ગાઈડ તમે લઈ શકો છો. કેમ્પસાઈટ પરથી ગાઈડ અવેલેબલ હશે તો મળી જશે. અમે વિધાઉટ ગાઈડ જ વોટરફોલ તરફ નીકળી પડ્યા.. ઘનઘોર જંગલમાં ટ્રેકિંગની મજા અવર્ણનિય છે. અમે ચાલતા રહ્યા ચાલતા રહ્યા પણ વોટરફોલ ક્યાંય જોવા મળ્યો નહિ. ત્રણ કિલોમીટરથી વધુ ચાલી ગયા અને પછી તો જંગલ વધુ ઘનઘોર થવા લાગ્યું. અમારી સિવાય કોઈ જ દેખાઈ નહિ. પાંદડા ખખડવાનો અવાજ પણ સ્પષ્ટ સંભળાય... એક નાનકડું ઝરણું, અસંખ્ય વૃક્ષો, ઝરમર વરસાદ અને અમે. સાચું કહું તો વાતાવરણનો આવો વૈભવ ક્યારેય નથી માણ્યો પણ 24 કેરેટવાળું સત્ય કહું તો અંદર ડર પણ લાગતો હતો. સામેની ઝાડીમાંથી દીપડો આવી જશે તો.. થોડી મિનિટો ગાળીને વધુ આગળ વધવા કરતા અમે પરત ફરવાનું વધુ મુનાસીબ સમજ્યું. અને ચાર ઘર વળતા કર્યા...
આ સમગ્ર વૃતાંત વિડિઓ રૂપે પણ અહીં પ્રસ્તુત છે.
https://youtu.be/5Th_HL4t6jc
મહાલના જંગલની અંદર એક અત્યંત રમણીય ધોધ કરી રહ્યો છે અમારો ઇન્તેઝાર.. મળીએ પાંચમા અને અંતિમ પાર્ટમાં આ જ મુકામ પર.
- અરવિંદ ગોંડલીયા, ગુજરાત સમાચાર.
ત્રીજા પાર્ટ માટે અહીં ક્લિક કરો..
https://www.facebook.com/104374244572476/posts/162115548798345/
જ્યાં કુદરતે બે નહિ, હજાર હાથોએ સૌંદર્ય વેર્યું છે, એ જગ્યાનું નામ છે, ડાંગ. ચોમાસામાં આ દંડકારણ્ય પ્રદેશ લીલોછમ બની જાય છે. નદી, નાળા, ઝરણાં અને અનેક જગ્યાએ ધોધ ફૂટી પડે છે. જાણે કુદરત અહીંથી પોતાની હયાતીના હસ્તાક્ષર કરી રહ્યા હોય ! જો દક્ષીણ ગુજરાતમાં રહીને પણ ડાંગમાં રખડપટ્ટી નથી કરી તો શું જીવ્યા?
મિત્રો ડાંગ એટલે માત્ર સાપુતારા નહિ, અહીં એના સિવાય અનેક સૌંદર્ય સ્થાનો છે. એવું જ એક રમણિય અને મનને હરનારૂ સ્થળ એટલે મહાલ. સરકાર દ્વારા અહીં સુંદર ડેવલોપ કરીને ઇકો કેમ્પસાઈટ બનાવી છે. અહીં રાત્રી રોકાણની પણ વ્યવસ્થા છે. પૂર્ણાં નદીનો સુંદર પટ નિરખવાની મોજ જ મોજ આવશે. પરંતુ મહાલ પણ આટલું જ નથી. મહાલમાં માણવા લાયક ઘણું બધું છે. અમે પ્રવાસી પંછી પાંચ સિરીઝમાં આખું મહાલ એક્સપલોર કરીશું. ઉમ્મીદ છે આપને ગમશે. તો લેટ્સ સ્ટાર્ટ.
સુરતથી અમારી એક્ટિવા ઉપડી ગઈ છે. અદભુત મહાલની સફર પર. વ્યારા વટાવ્યા પછી મહાલ થી થોડા કિલોમીટર દૂર એક રળિયામણા નાનકડા ગામની સીમમાં નાનકડા સુંદર ધોધના રોડ પરથી જ દર્શન થઈ ગયા અને અમે ત્યાં જવા પર ખુદને રોકી ન શક્યા. બાઈકને સાઈડમાં પાર્ક કરીને પગને ઉપાડ્યા. તમે આંખ બંધ કરીને ખોલો ત્યાં સુધીમાં તો અમે ધોધની સમીપ પહોંચી ગયા. કહેવાય ને કે નાનું પણ નાગનું બચ્ચું. બસ એવો જ આ નાનકડો ધોધ છે. ચાર કે પાંચ ધારા રૂપે ઉપરથી નીચે આવે છે. તેની નીચે ઉભા રહીને ન્હાવાની મજા પણ લઈ શકો. ધોધનું પાણી નીચે વહી જતી નદીમાં ભળે છે. ગામના છોકરાઓ નદીમાં મસ્તીથી તરી રહ્યા હતા. અમે ધોધ નીચે જ ન્હાવાનો લાભ લીધો. દોસ્તો આ જગ્યાનું અમે સરનામું નથી આપી રહ્યા. અમારા માટે પણ આ અજાણ્યો જ ધોધ છે. કોઈને પૂછીએ તો ખબર પડે પણ અમે કોઈને જાણી જોઈને પૂછ્યું નહિ. ખબર હોય તો કોઈને કહીએ ને..! અમુક સુંદરતા અજાણી જ સારી. હા, વિડિઓ જોવો હોય તો આ રહી, લિંક. એન્જોય.
https://www.youtube.com/user/arvindgondaliya100
મહાલના રસ્તા પર આગળનો મુકામ ઓર મજેદાર છે●
-arvindgondaliya111@gmail.com
"रास्ते wala ધોધ"
મહાલ. ડાંગનું કુદરતી સૌંદર્યથી ભરપૂર આ સ્થળ તો સુંદરતાનું બેજોડ શિખર છે જ. પરંતુ ત્યાં સુધી પહોંચવાનો રસ્તો પણ એટલો જ રમણીય છે. પાર્ટ -1 માં સરનામા વિનાનો સુંદર ધોધ મળ્યો. જ્યાં અમે લગભગ 2 કલાક જેટલો સમય વિતાવ્યો હતો. તાજા માજા થઇને હવે મહાલના રસ્તે આગળ વધીએ..
આકાશ આમ તો સ્વચ્છ છે. પણ વાદળો ગમે ત્યારે આવીને વરસી પડે એવો માહોલ છે. ઠંડી ખુશ્બુદાર હવા ચાલી રહી છે અને બંને બાજુ ઘટાદાર વૃક્ષોથી ઘેરાયેલા રોડ પર અમારી બાઇક દોડી રહી છે, 40 કિલોમીટર પ્રતિકલાકની ગતિથી. હા, ગતિ મર્યાદા જરૂરી છે. અને મંજિલ કરતા ખરી મજા મુસાફરીમાં હોય છે. આ ગાંઠ બાંધીને ચાલશો તો સફર ઓર મજેદાર બની જશે. ઠંડી ઠંડી હવાની લહેરો વચ્ચે આ રસ્તા પર બાઇકિંગનો આંનદ અવર્ણનિય છે. વ્યારાથી અમે નીકળ્યા હતા. ટેમકા થઈને હવે આગળ વધી રહ્યા છીએ. બરડીપાડા ક્રોસ કરો એટલે રસ્તો વધુ શાનદાર લાગશે. હવે મંજિલ છ કિલોમીટર દૂર છે, પણ આ શું? મેઇન રોડ પર જ વધુ એક સુંદર નાનકડો ધોધ અમને કહી રહ્યો હતો કે મહાલ પછી જાઓ પહેલા મને મળો.. લો, હવે ધોધ જ જ્યારે વિનંતી કરે તો પછી ના થોડી પડાય ! એક્ટિવા આપોઆપ થોભી ગઈ. એને પણ જાણ હતી કે અહીં તો ઉભા જ રહેવું પડશે. આ રાસ્તે વાલા ધોધનું નામ દુલધા ધોધ છે. નજીકમાં આ નામથી જ ગામ છે. ગામના નામ પરથી જ ધોધનું નામ પડ્યું છે. અહીંથી પસાર થતા પ્રવાસીઓને ઉભા રહેવા માટે મજબૂર થવું પડે એવો સુંદર અને શાંત ધોધ છે.. ખાસ કરીને બાળકોને મજા પડશે. નીચે ઉભા રહીને ન્હાવાનો આનંદ પણ લઈ શકાય. પરંતુ ફોર્સ વધુ હોય તો ટાળવું. અને જાહેર માર્ગ પર ધોધ હોવાથી ટ્રાફિક ન સર્જાય એની તકેદારી રાખવી પણ આપણી નૈતિક ફરજ બની જાય છે. અને આ સુંદર નજારાનો વિડિઓ બતાવવો અમારી ફરજ છે.
https://youtu.be/9cLcD6hDNUA
અર્ધો કલાક દુલધાને નામ કરી મક્કાઈ ખાધી, ફોટા ખેંચ્યા અને પછી એક્ટિવા સ્ટાર્ટ કરી મંજિલ તરફ.... મજેદાર મંજિલ રાહ જોઈ રહી છે.. તો મળીએ નવા એપિસોડમાં મહાલની વાદીઓમાં...
સુંદર ઝરણાં સાથે મહાલમાં તમારૂ સ્વાગત છે
દુલધા વોટરફોલ પર અર્ધો કલાક વિતાવીને ફરી સફર મહાલ તરફ શરૂ કરી. હવે અહીંથી મહાલ માત્ર પાંચ કિલોમીટર દૂર છે... વરસાદને કારણે રસ્તા ભીના થઈ ગયા હતા. તો કોઈ કોઈ જગ્યાએ રોડ પર પણ પાણી પથરાયેલું હતું. જેના પરથી એક્ટિવા પસાર થતી ત્યારે એવું લાગતું હતું જાણે એક્ટિવા છબછબિયાં કરી રહી હોય ! આ રસ્તાની ડબલ મજા એટલા માટે છે કેમ કે એકતરફ લીલુંછમ જંગલ અને બીજીતરફ પૂર્ણાં નદીનો નયનરમ્ય પટ. બંને તમારી સાથે ચાલ્યા કરે. અમને લાગતું હતું કે હવે સીધા મહાલ કેમ્પસાઈટ જઈને જ બાઇક સ્ટોપ કરીશું. પણ સફરની ગતિ ન્યારી છે. મહાલના પ્રવેશ પહેલા જ વધુ એક નાનકડો ધોધ દેખાઈ ગયો. દુલધા ધોધ પહાડ થી રોડ પર પડતો હતો. આ ધોધ રોડ પરથી નદીના પટમાં ખાબકે છે. તો રોડ પર બાઇક પાર્ક કરીને અમે ઉતરી ગયા નદીના પટમાં. ચાર ધારામાં પડતો આ ધોધ ઝીલવાની મજા આવે એવો છે. હા, ધોધ નીચે જવામાં કાળજી રાખજો કેમ કે જગ્યા થોડી લપસણી છે. બાકી આવશે ભરપૂર મજા. આ મહાલ ગામમાં જ ધોધ છે તેથી ધોધને પણ મહાલ વોટરફોલ નામથી જ ઓળખવામાં આવે છે. આને તમે મહાલનું પ્રવેશદ્વાર પણ કહી શકો. પ્રવેશદ્વારનો વિડિઓ નિહાળવા અહીં ક્લિક કરો..
https://www.youtube.com/user/arvindgondaliya100
હવે વિચારો જેનું પ્રવેશદ્વાર આટલું સુંદર છે તો અંદરનો નજારો કેવો સુંદર હશે.. બેશક ખૂબ જ સુંદર છે. તો મળીયે નવા એપિસોડમાં મહાલ કેમ્પસાઈટમાં. અને હા, જંગલમાં ટ્રેકિંગ પણ કરીશું...
બીજા ભાગ માટે અહીં ક્લિક કરો.
https://www.facebook.com/104374244572476/posts/160655592277674/
[કેમ્પસાઈટ, પૂર્ણાં નદીનો પટ અને જંગલમાં ટ્રેકિંગ..]
મહાલમાં મહાલવાની વધુ મજા ચોમાસામાં જ છે. મહાલ સુધી પહોંચવામાં જ અમને રસ્તામાં જ ત્રણ ધોધના દર્શન થઈ ગયા. બાકી હરિયાળા રસ્તા તો સતત તમને પકડીને જ ચાલ્યા કરે. મહાલના વોટરફોલમાં ન્હાવાની મજા લઈને અમે ચાલ્યા કેમ્પસાઈટ તરફ...
પૂર્ણાં નદી પર મસ્ત મજાના પુલ પરથી પસાર થતાની સાથે જ જમણી સાઈડમાં કેમ્પસાઈટનો ગેટ છે. વ્યક્તિ દીઠ પ્રવેશ ફી 20 રૂપિયા છે. જો તમારી સાથે વાહન હોય તો એનો ચાર્જ અલગથી લાગશે.. તો ફટાફટ ટિકિટ લઈ લો અને ચાલો અંદર..ગેટથી કેમ્પસાઈટનું અંતર 3 કિલોમીટર જેટલું છે. એકવાર અમે ચાલતા અને એકવાર કારમાં ગયા હતા. આ વખતે બાઇક પર જઇ રહ્યા છીએ. ત્રણેય અનુભવ પછી હું કહી શકું પગપાળા જેવો આનંદ ક્યાંય નથી. પણ તમારે કેમ્પસાઈટમાં રોકાવાનું હોય અને સાથે વ્હીકલ હોય તો એ લઈને જ જજો. આ ત્રણ કિલોમીટરનો રસ્તો ખૂબ રળિયામણો છે. ચોમાસામાં વાહન ચલાવતી વખતે ખૂબ કાળજી રાખવી પડે. હોંશિયારી મારીને જંગલની અંદર પ્રવેશ કરવો નહીં. આ જંગલમાં દીપડા પણ રહે છે એ ધ્યાને રહે. લો, વાતો કરતા કરતા પહોંચી ગયા કેમ્પસાઈટ. અહીં રહેવા માતે દેશી કોટેજ અને ટ્રી હાઉસ પણ મળશે. પણ આ બધું બુકિંગ તમારે ઓનલાઈન મહાલ કેમ્પસાઈટની વેબસાઈટ પરથી કરાવવું પડશે. કારણ કે વરસાદી દિવસોમાં અહીં પણ હાઉસફુલના પાટિયા જુલતા હોય છે. અહીં રહેવાની એટલે મજા છે કેમ કે એક તો જંગલની વચ્ચે કેમ્પસાઈટ અને બાજુમાં જ પૂર્ણાં નદીનો સુંદર પ્રવાહ.. નદીના કિનારે બેસીને પણ ન્હાવાની મજા લઇ શકાય છે. પણ કિનારે જ. એક બાત તો કહેના ભૂલ હી ગયા, જ્યારે પ્રકૃતિની ગોદમાં જ આવ્યા છો તો અહીંના લોકલ ફૂડનો પણ ટેસ્ટ કરજો. વાંસનું શાક અને નાગલીના રોટલાની અમે તો બે દિવસ મિજબાની માણી.. મરાઠીમાં કહું તો,અપ્રતિમ.
નદીની સામે કરંજવા ટ્રેઇલ છે. ત્યાંથી એક દોઢ કિલોમીટર ટ્રેકિંગ કરીને કરંજવા વોટરફોલ જવાય છે. એ માટે ગાઈડ તમે લઈ શકો છો. કેમ્પસાઈટ પરથી ગાઈડ અવેલેબલ હશે તો મળી જશે. અમે વિધાઉટ ગાઈડ જ વોટરફોલ તરફ નીકળી પડ્યા.. ઘનઘોર જંગલમાં ટ્રેકિંગની મજા અવર્ણનિય છે. અમે ચાલતા રહ્યા ચાલતા રહ્યા પણ વોટરફોલ ક્યાંય જોવા મળ્યો નહિ. ત્રણ કિલોમીટરથી વધુ ચાલી ગયા અને પછી તો જંગલ વધુ ઘનઘોર થવા લાગ્યું. અમારી સિવાય કોઈ જ દેખાઈ નહિ. પાંદડા ખખડવાનો અવાજ પણ સ્પષ્ટ સંભળાય... એક નાનકડું ઝરણું, અસંખ્ય વૃક્ષો, ઝરમર વરસાદ અને અમે. સાચું કહું તો વાતાવરણનો આવો વૈભવ ક્યારેય નથી માણ્યો પણ 24 કેરેટવાળું સત્ય કહું તો અંદર ડર પણ લાગતો હતો. સામેની ઝાડીમાંથી દીપડો આવી જશે તો.. થોડી મિનિટો ગાળીને વધુ આગળ વધવા કરતા અમે પરત ફરવાનું વધુ મુનાસીબ સમજ્યું. અને ચાર ઘર વળતા કર્યા...
આ સમગ્ર વૃતાંત વિડિઓ રૂપે પણ અહીં પ્રસ્તુત છે.
https://youtu.be/5Th_HL4t6jc
મહાલના જંગલની અંદર એક અત્યંત રમણીય ધોધ કરી રહ્યો છે અમારો ઇન્તેઝાર.. મળીએ પાંચમા અને અંતિમ પાર્ટમાં આ જ મુકામ પર.
- અરવિંદ ગોંડલીયા, ગુજરાત સમાચાર.
ત્રીજા પાર્ટ માટે અહીં ક્લિક કરો..
https://www.facebook.com/104374244572476/posts/162115548798345/
0 Comments