કંસારી : કુદરતી થર્મોમીટર - તમરાં વિશે જાણો

ઘણી વાર રાત્રે શાંત વાતાવરણમાં તમરાંનો અવાજ તમે સાંભળ્યો હશે. આ અવાજ કંસારી નામનાં જીવડાંનો છે. કંસારી વંદા, તીતીઘોડા, તીડના વર્ગનું જંતુ છે. તેના માથા પર એન્ટેના જેવા બે વાળ હોય છે.

♠ કંસારીની લગભગ ૯૦૦ જેટલી જાતો છે. તે રાત્રે નાના જંતુઓનો શિકાર કરે છે. તેનો સતત અને લયબધ્ધ અવાજ જાણીતો છે. આ અવાજ તેની પાંખોના મૂળમાં રહેલી ગ્રંથી ધ્રુજાવીને કરે છે. વિવિધ પ્રકારનાં તમરાં વિવિધ પ્રકારનાં લયબધ્ધ અવાજ કરે છે.

♠ ૧૯૭૫માં વિલિયમ કેડ નામના વિજ્ઞાનીએ તમરાના અવાજ અને વાતાવરણના તાપમાન વચ્ચેનો સંબંધ શોધી કાઢેલા.

♠ અમેરિકાના સ્નોવી ટ્રી ક્રિકેટ નામના તમરાં ૧૪ સેકંડમાં જેટલી ચિચિયારીઓ પાડે તેમાં ૪૦ ઉમેરીએ તો તે તાપમાનનો ફેરનહીટનો આંકડો દર્શાવે છે. આ નિયમને ડોલ્બીપર્સ લો કહે છે.

♠ સામાન્ય તમરાં ૧૩ સેલ્શીયસ ડિગ્રી તાપમાને એક મિનિટમાં ૬૨ વાર અવાજ કરે છે.

♠ કંસારી સાથે અનેક માન્યતા સંકળાયેલી છે. બ્રાઝિલમાં ઘરમાં કાળી કંસારી દેખાય તો માંદગી આવે તેમ મનાય છે. અને ભૂખરી કંસારી સંપત્તિ લાવે તેમ મનાય છે.

♠ બાર્બાડોસમાં કંસારીને શુકનિયાળ મનાય છે. ત્યાંના લોકો ઘરમાંથી કંસારી બહાર કાઢી મૂકતા નથી.